पाँचथर । जिल्लाको मिक्लाजुङ गाउँपालिका–३ आरुबोटेमा श्रीमानले श्रीमतीको हत्या गरेका छन् । तुम्बेवा गाउँपालिका–४ हाङगुम बस्ने ३५ बर्षीय नरधोज कुरुम्बाङले आफ्नै श्रीमती ३५ बर्षीया गोमा फियाकको धारिलो हतियार प्रहार गरी हत्या गरेका हुन् ।
गोमा माइतीघर बस्दै आएकी थिइन् । ससुरालीघर आएका नरधोजले बिहीबार घरायसी बिवादको क्रममा खुकुरी प्रहार गरी श्रीमतीको हत्या गरेको जिल्ला प्रहरी कार्यालय पाँचथरका सूचना अधिकारी, प्रहरी निरिक्षक सुमित कुस्वाहाले बताए ।
घटनामा मृतक गोमाका आमा कान्छीमाया फियाक र छिमेकी महेन्द्र श्रेष्ठ घाइते भएका छन् । उनीहरुको अवस्था सामान्य रहेको प्रहरीले जनाएको छ । नजरधो घटनापछि फरार रहेका छन् । उनको खोजीकार्य भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
